Kliniki Tibbi Mərkəzin Radiologiya şöbəsinin aparıcı müayinə otaqları
(Rentgen, USM, KT, MRT, Angioqrafiya) xəstəxananın IV korpusunun I
mərtəbəsində yerləşir. Bu korpusda stasionarda müalicə alan xəstələrə və Acil
şöbəsinə müraciət edən vətəndaşlara 7/24 saat USM, KT və rentgen müayinələri
aparılır.
Mərkəzin I korpusunda yerləşən Poliklinika şöbəsinin nəzdində də
Radiologiya şöbəsinin aparıcı müayinə otaqları (Rentgen, USM və EEQ) var və
həftəiçi hər gün, saat 16:00-a qədər fəaliyyət göstərir. Eyni qayda ilə Mərkəzin
II korpusunda yerləşən Doğum-Ginekologiya şöbəsində də pasientlər USM
kabinetindən yararlana bilirlər. Bu korpuslarda poliklinik-ambulator xəstələr ilə
yanaşı stasionarda yatan xəstələrə də lazımi müayinələr həyata keçirilir.
Mərkəzin VII korpusunun Yoluxucu xəstəliklər şöbəsinin USM otağında
isə qeydiyyatda olan və komissiya tərəfindən yoxlanışdan keçən yoluxucu
xəstələrə həftədə bir dəfə protokol üzrə USM aparılır.
Kliniki Tibbi Mərkəzin Radiologiya şöbəsində icra olunan müayinələr
İcbari Tibbi Sığorta üzrə Dövlət Agentliyinin Xidmətlər Zərfi çərçivəsində
aparılır, vətəndaşlara ödənişsiz xidmət göstərilir.