Uzun müddətdir ki, COVID-19 virusuna yoluxaraq vəziyyəti ağırlaşmış hamilə və zahı qadınlara (ölkə
üzrə) xidmət göstərən Kliniki Tibbi Mərkəzin Doğum-Ginekologiya şöbəsi artıq digər şöbələr kimi adi
qaydada fəaliyyətini bərpa edib.
Doğum-Ginekologiya şöbəsi Mərkəzin II korpusunda yerləşir. Şöbədə 21 həkim mama-ginekoloq, 4
neonatoloq, 35 mama, 7 tibb bacısı və 21 kiçik tibb işçisi olmaqla, ümumilikdə 88 tibb personalı xidmət
göstərir.
Qeyd edək ki, təkcə paytaxt deyil, ölkəmizin dörd bir tərəfindən hamilə və zahı qadınlar bura müraciət
edərək, icbari tibbi sığorta çərçivəsində Xidmətlər Zərfinə daxil olan bütün tibbi xidmətlərdən ödənişsiz
yararlana bilərlər.
Yeri gəlmişkən bu gün 5 may - Beynəlxalq Həkim-Mama Günüdür. Bu ixtisas üzrə çalışan hər bir
həkimimizi təbrik edir, fəaliyyətlərində uğurlar arzulayırıq!
Ümid edirik ki, bundan sonra onlar COVID-19 virusuna yoluxmuş yox, daha sağlam ana və körpələrlə
işləyəcəklər!