Ötən ayında Kliniki Tibbi Mərkəzə zəhərlənmə ilə bağlı 711 nəfər müraciət edib.
Zəhərlənmə şübhəsi ilə Kliniki Tibbi Mərkəzə (KTM) müraciət edənlərdən 124-ü Toksikologiya şöbəsinə
yerləşdirilib, qalanlarına isə ilkin tibbi yardım göstərilərək, evə buraxılıb.
Mərkəzin Mətbuat xidmətindən verilən məlumata görə, qəbul olan xəstələrdən 62-si dərmandan, 19-u
sirkə turşusundan, 7-si dəm qazından, 1-i göbələkdən, 4-ü etil spirtindən zəhərlənib. Digərlərindən 2-si
anaflaksiya səbəbindən, 13-ü allergik reaksiyadan, 10-u isə botulizm səbəbindən xəstəxanaya
yerləşdirilib. Həmçinin onlardan 5-ni ilan, 1-ni isə əqrəb sancıb.
Zəhərlənən şəxslərin 54-ü qadın, 50-si kişi, 20-i uşaq olub. Həkimlərin səylərinə baxmayaraq, 124
nəfərdən 8-i (6-sı kişi, 1-i qadın, 1-i uşaq) dünyasını dəyişib.
